जापानमा हाल कम्पनीहरू मजदुर अभावकोअवस्थाको सामना गरिरहेका छन् । पाका उमेरका मानिसको संख्यामा भएको वृद्धिले काम गर्ने मानिसको संख्यामा कमी आउँदै गएको छ । यसले विश्वकै तेस्रो ठूलो अर्थतन्त्र समस्यामा पर्न सक्ने आकलन गरिएको छ ।
मे महिनामा जापानको बेरोजगारी दर २५ वर्षकै न्यून बिन्दुमा ओर्लिएको सरकारी तथ्यांकले देखाएको छ । यो अवस्थालाई अर्थतन्त्र सबल भएको संकेतका रूपमा हेरिएको छ । तर जनसंख्यामा आएको संकुचनले कामदारको अभावको अवस्था सिर्जना भएको छ ।
बेरोजगारी दर २.२ प्रतिशत कायम भएको छ । यो अप्रिलको २.५ प्रतिशतकै हाराहारीमा रहने भनी गरिएको बजारको अपेक्षाभन्दा पनि कम हो । यो बेरोजगारी दर १९९२ को अक्टुबरदेखिकै न्यून भएको त्यहाँको आन्तरिक मामिला मन्त्रालयले जनाएको छ ।
आवेदकका लागि रोजगारी खुलाको अनुपात ४४ वर्षकै उच्च कायम भएको छ । यो अघिल्लो महिनाको १.५९ बाट १.६० मा पुगेको स्वास्थ मन्त्रालयले जनाएको छ । जाापानमा हाल १ सय रोजगारी खोज्नेका लागि १६० रोजगारी उपलब्ध छ ।
जापानमा हाल कम्पनीहरू मजदुर अभावको अवस्थाको सामना गरिरहेका छन् । पाका उमेरका मानिसको संख्यामा भएको वृद्धिले काम गर्ने मानिसको संख्यामा कमी आउँदै गएको छ । यसले विश्वकै तेस्रो ठूलो अर्थतन्त्र समस्यामा पर्न सक्ने आकलन गरिएको छ ।
यो विषय समाधान गर्नका लागि प्रधानमन्त्री सिन्जो आबे र उनको मन्त्रिपरिषद्ले गत महिनाको सुरुमै विदेशबाट कम सीप भएका मानिसलाई स्वागत गर्ने योजना स्वीकृत गरेको थियो । यो अवस्थामा विदेशी मजदुर भिœयाउन अनिच्छुक देखिएको सरकार आफ्नो पूर्ववत् अवस्थाबाट फर्किएको जस्तो देखिएको छ ।
कसिलो अवस्थाको श्रम बजारका बाबजुद पारिश्रमिकको वृद्धि पनि न्यून देखिएको छ । यसले मुद्रास्फीतिलाई २ प्रतिशतमा पु¥याउने जापानी पर्याय पनि व्यर्थमा गएको छ ।
पुरुषका लागि बेरोजगारी दर ०.४ प्रतिशत बिन्दुले ओरालो लागेर २.४ प्रतिशत कायम भएको छ । यसैबीच महिलाका लागि बेरोजगारी दरमा ०.१ बिन्दुले गिरावट आएर २ प्रतिशत कायम भएको छ ।
“श्रम बजारको अवस्थामा पनि ठोस रूपमा सुधार भइरहेको छ,” आन्तरिक मामिला मन्त्रालयका अधिकारीले बताएका छन् ।
आवधिक मिलानका आधारमा जापानमा ६ करोड ६७ लाख ३० हजार कामदार रहेका छन् । यो अघिल्लो महिनाको तुलनामा ०.३ प्रतिशत अर्थात् २ लाखले कम हो । पुरुष कामदारको संख्यामा ९० हजार वृद्धि भएर ३ करोड ७२ लाख ५० हजार पुगेको छ भने महिलाको संख्यामा २ लाख ९० हजारले गिरावट आएर २ करोड ९४ लाख ८० हजार कायम भएको छ ।
“यो गिरावटलाई अप्रत्याशित मानिएको छ । विशेष गरी महिलाले जनवरीदेखि मार्चसम्मको अवधिमा अस्थायी रूपमा सहभागीता जनाएपछि श्रम बजार छोडेका छन्,” एसएमबीसी निको सेक्युरिटिजका एक अर्थशास्त्री कोया मियामेले बताए ।
बेरोजगार मानिसको संख्या १५ लाख १० हजार छ । यो अघिल्लो महिनाको तुलनामा १२.२ प्रतिशत अर्थात् २ लाख १० हजारले कम हो । कामविहीन पुरुषको संख्यामा १ लाख ८० हजारले गिरावट आएर ९ लाख कायम भएको छ भने कामविहीन महिलाको संख्यामा ४० हजारले गिरावट आएर ६ लाख १० हजार कायम भएको छ ।
एजेन्सी
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon